La Caldera BHI

Institutu batean jazoriko gertakari baten simulazioaren bitartez, liskar batean agertzen diren alderdi desberdinak aztertuko dira, pertsonei, prozesuari eta arazoari dagozkien aspektuak apuntatuz eta bereiziz. Funtsezko helburua, liskarra sortarazten duen ezkutuko arazoa bilatzen ikastea eta, konponbideak bilatzeko garaian, sormena eta irudimena sustatzea.

Gertakarian inplikaturiko pertsonaiak antzezteko bost lagun aukeratuko dira; gainerakoak, diziplina batzordeko kideak izango dira. Ondoren, antzezpena hasiko da eta sortarazitako liskarrari konponbideak bilatuko zaizkio. Azkenean, jardueraren garapena denen artean baloratuko dute. Jarduera hau egiteko gutxienez bi ordu hartzea aholkatzen da