NBE Emakumeen urtebeteko proposamen honek Emakumearen aurkako Indarkeria Desagerrarazteko Nazioarteko Egunaren (azaroaren 25a) eta Giza Eskubideen Egunaren (abenduaren 10a) arteko aldia hartzen du kontuan, genero-indarkeriaren aurkako borrokari buruzko hausnarketarako gune gisa eta arazoa ikusarazteko nahian. Hasiera-hasieratik mugimendu horrek hainbat arrazoirengatik erakarri ninduen. Lehenik eta behin, laranja-koloreak etorkizun distiratsua sinbolizatzen duelako, indarkeriarik gabea, indarkeria mota guztiak ezabatzeko konpromiso kementsua eta positiboa erakusteko balio duena. Bigarrenik, irakasle naizen aldetik, aukera ematen didalako hausnarketarako eta jarduerak nire ingelesezko programazioaren barruan sartzeko, eta ez bakarrik ekintza eta hitz sinbolikoen egun gisa. Bestalde, konturatu naiz Unesco eta NBE emakumeen orrialdeez gain, Amnesty Internationalek material interesgarriak ere proposatzen dituela, nire ikasleek ingelesez irakur ditzaketenak eta mundu...