Bakearen aldeko oihua

Koaderno honetan Mozambikeko Sofía haurrak bere herrialdeak bizi duen egoera latza eta, bereziki, armen erabilerak —pertsonen aurkako minenak, zehazkiago— populazio zibilarentzat dituen ondorioak aurkeztuko dizkigu. Sofiaren biografiak eta argazkiek bere ametsetara eta bere errealitatera hurreratuko gaituzte eta, horri esker, herrialde hartako egoera ezagutu ahal izango dugu.

Material honen bidez bakea eta justizia soziala munduko gizaki guztiei zor zaizkien funtsezko eskubide gisa balioestea lortu nahi da. Rol-joko baten eta itxurako adibide batzuen bitartez, liskarrei heltzeko era eta jarrera desberdinak ezagutuko ditu haurrak. Era berean, gatazka eta liskarrei buruz prentsan idazten duten kazetariak agertuko dira jokoan. Kontua da, gizaki zein nazioarte mailan, liskarrak eraldatzeko eta konpontzeko mekanismoak ezartzea. Atal hau, liskarrei irudimenez asmaturiko konponbideak garatzeko premia erakusten duten bi ahuntzen adibidearen bitartez irakasten da. Sintesi modura, eskolako gainontzekoei eta gurasoei lan hau ezagutarazteko balioko duen liburu erraldoi bat egitea proposatuko zaie, bertan ikaskuntzak, irudiak, iritziak etab. jasoko direlarik.