“Herritargo globalerako begira heztea” IV. Mintegiaren Memoria

2010eko urriaren 30etik azaroaren 1era Escorial-en (Madril, Espainia) “Herritargo globalerako begira heztea” IV. Mintegia antolatu zuen ECG Sareak, bertara Espainia, Portugal eta Kubatik laurogeita hamar lagun eta hezitzaile inbitatu bildu zituelarik. Hiru egunetan barna ikuspegiak trukatu eta hezkuntza-bizipenak jorratu zituzten, Sarea topagune eta elkarlaneko gunetzat indartu eta sendotzeko xedez. Topaketaren ardatz biak irakaslea, aldaketarako eragile eta migrazio fenomenoa, gizarte-eredu berri bat eraikitzeko aukera izan ziren.

Lanak hiru multzotan antolatu ziren. Lehenaren funtsa herritarren partaidetza izan zen, euskarriak hauen gainean: bakegintzazko hainbat esperientzia (Euskal Herria), komunitate-liderren trabatzea (Kuba), udalerrian ikasleek parte hartzea (Almassora, Castello) eta kontsumo arduratsua (Opcions aldizkaria).

Bigarren multzoan, Paduako (Italia) Unibertsitateko Alessio Surian eta Gironako santa Eugènia Institutuko Joan Gratacós irakaslearen ponentzia eta kontrapuntua abiagune harturik, migrazioak, nortasuna eta aniztasuna gaiari heldu zitzaion. Kontu zehatz batzuei heltzeko asmoz, aipatu gaiarekin lotutako bina hezkuntza-bizipen aztertu zituen lantalde bakoitzak, bata portugesa eta bestea espainiarra.

Hirugarren multzoaren helburua sarean parte-hartzean eta ikaskuntzetan sakontzea izan zen, lau eremutan: irakasle-taldeak auto-prestakuntza gune, norbere bizipenetatik ikastea, herritarrak eta kontsumo arduratsua eta, azkenik, partaidetza eta komunikazioa. Multzo honi amaiera emateko bizipenen feria antolatu zen.