“Herritargo globalerako heztea” V. Mintegiaren memoria

2012ko uztailaren 6tik 8ra Los Negrales-en (Madril), Herritargo Globalerako Hezitzaileen Sareak antolaturik, “Herritargo globalerako heztea" V. Mintegia egin zen, bertara Espainiako hainbat lekutatik ehunka pertsona bildu zelarik. Hiru egunetan barna, parte hartzaileek ikusmoldeak jorratu eta hezkuntza-esperientziak partekatu zituzten, Sarea topagune eta elkarlanerako gune gisa finkatzeko. Mintegia, lurralde-sareetako hezitzaileen batzordea aitzindari, partaidetzazko prozesuaren bitartez antolatu zen (hirurogei lagun baino gehiagok hartu zuten esku).

Bi multzo nagusitan egituratu zen mintegia. Ikastetxe eraldatzaileak izenekoak galdera hau izan zuen ardatz: nolako praktikak izan behar du ikastetxe batek, herritargo globalaren ikusmoldetik, gizartearen eraldatzaile izateko? Lehen multzoko aztergaia galde horren erantzun teoriko eta praktikoa izan zen. Sareko “Centros educativos transformadores: herritargo global y transformación social” (CET dokumentua) dokumentuaren aurkezpenak eman zion hasiera ospakizunari eta Ismael Palacín irakasleak adituaren ikuspegiaz jantzi zuen. Hamar esperientziak, gainera, beste hainbeste adibide ekarri zituzten eta "Nola bihurtu gure ikastetxeak eraldatzaile?" galderaren alderdi praktikoari ihardespenak bilatzeko lantegiak antolatu ziren.

Bigarren multzoan, EnREDándonos jardueran, garrantzi handiko lehenaldi baten zordun den Sarearen orainaldia zer den argi eta garbi azaldu zen. Etorkizunera begirako erronkak diseinatu eta eztabaidatzeko eta, aurrera egin ahala, bakarka eta taldekako konpromisoetan oinarriturik, etorkizuna eraikitzeko xedez talde guztiek, lurralde-sareek eta Sareko batzordeek eginiko lana partekatu zen.