Azalpena:
Bi urtean behin, Herritartasun Globalerako Hezkuntza izeneko Mintegiak eratzen ditugu. Tradizioz, Herritartasun Globalerako Sareko kideak bertara biltzen dira, egun gutxi batzuetan zehar hezkuntza eraldatzailearen etorkizuna aztertzeko eta irudikatzeko.

Joan VIII.Mintegiaren memoriara  >>

2019ko urriaren 25etik 27ra bitarteko edizio honetan, Sare barruan zein kanpoan 100 pertsonak parte hartu zuten. Asteburu horretan, hain zuzen, Agenda 2030en esparruan, gizarte-eraldaketarako hezkuntza eta hura Eskolatik abiaraztea lortu nahi izan genuen. Gizartearen aldaketa eragin dezakeen aldetik, hezkuntzaren inguruko gogoeta hori osatzeko, heziketatik prestakuntza eta aktibismoaren aldeko lana sustatu duten eragile batzuk izan ziren bertan. Herritartasun Globalerako Hezkuntzak (HGH) planteatzen duen eredu sozial eta politikoa hezkuntza-curriculumean transbertsal bilakatzea izan da mintegian landutako beste gai garrantzitsuetako bat. Horretarako, HGHren printzipioak ikasgelan jorratzeko aukerak aztertu nahi izan genituen eta, aldi berean, HGH hezkuntza-praktika bultzatuko duten estrategiak garatu eta tresnak proposatu, gaitasun globaletik (sozial eta herritarretik) eta oinarrizko gaitasunetatik abiatuta. Bizipen eraldatzaileak partekatzea mintegi den-denetan ezinbestekoa bada ere, oraingo honetan mintegiaren izpirituarekin bat egin zezaketen esperientziak bilatu genituen, hau da, ikasgela esparrua gainditzen duten bizipenak, ikastetxearen antolaketa inplikatzen duten ikastetxeko politikako bizipenak, ingurunearekin harremana duten esperientziak. Eta, jakina, askotariko topaguneak bilatzen eta lehenesten ditugu, dinamizatuak eta informalak, elkar ezagutzeko, konektatzeko eta zaintzeko. Memoria hau formatu interaktibo batean egin da; bertara sartzeko:

Joan VIII. Mintegiaren memoriara >>