VII. “Herritargo globalerako hezkuntza”

Mintegia ez da beste bat izan: Herritargo Globalerako Hezitzaileen Sarea (HGHS) hamargarren urteurrenera iritsia delarik, urtebetetzeak dira jaikizunik hoberenak, bizitza ospatzen delako horietan. Helburu horrekin, Los Negrales-en (Madril) 80 bat lagun bildu ziren uztailaren 7tik 9ra arte. Efemerideak Mintegi osoa kutsatu zuen, egun Sarea den hori bidean jaio eta egokitu delako, bertatik ibili diren pertsonei esker, bereziki. Den-denek utzi zuten beren itzala eta denak biziki present egon ziren ospakizunean.

Ospakuntzak gorabehera, lanean buru-belarri emaniko hiru eguneko haren haria herritargo globala osatzeko metodologiak izan ziren.  Hitzaldi, mahai-inguru eta, batez ere, partaidetzazko lantegi eta bestelako ekitaldien bitartez, esku-hartzaileek eztabaidan aztertu zuten nola eraiki zitekeen mundu bidezko eta solidarioago bat, hezkuntza-praktikatik. Bertan izaniko kideek, ikasgelan, ikastegian eta ingurunean aldaketa eta justizia soziala ekartzea bideratuko duten  ikaskuntzak partekatu eta esperientziak aztertu zituzten eta, era berean, lokaletik hasi eta globaleraino, jarduteko aukera berrien bila aritu ziren.