A merenda do comercio

A partir da actividade “O tren do café”, este monográfico ofrece unha visión do percorrido que o café segue desde a súa colleita até que chega á nosa casa e permite tomar conciencia da porcentaxe con que fica cada un dos axentes que interveñen na súa comercialización, onde as persoas produtoras son as que saen peor paradas. A través do testemuño de Tatu, unha pequena produtora de Tanzania, ábrese a reflexión sobre a situación en que viven os pequenos produtores e produtoras de todo o mundo e de cáles son as necesidades básicas para vivir con dignidade. Igualmente, o material permite descubrir o comercio xusto como unha alternativa que asegura unha vida digna a millóns de persoas no mundo.

Finalmente, propón fomentar a participación en accións colectivas de compromiso social que contribúan para mudar a realidade en que se encontran persoas como Tatu.