Se a andoriña quere voar, desde “infantil” debe aprender a soñar!

Esta experiencia é a adaptación da proposta Conectando mundos_Soños de Andoriña á Educación Infantil, para traballar a través dun conto o tema das migracións, as súas causas e as súas consecuencias, así como as actitudes individuais e colectivas transformadoras da realidade. Esta experiencia puxo de manifesto que os pequenos e as pequenas son totalmente capaces de se colocar no lugar do outro e de ser introducidos nos valores que sustentan a concepción de cidadanía global, así como comezar a tomar decisións de xeito colectivo e de respectar as alleas.

De forma paralela, traballouse cos pais e coas nais en dúas reunións sobre “solidariedade, pobreza e a miña postura diante diso”.