Paulo Freire: contribucións para a educación para unha cidadanía global. Unha ollada ás nosas prácticas.

Esta experiencia é levada a cabo por un grupo de traballo de profesoras de Málaga e o responsábel de educación de Andalucía e Canarias de Intermón Oxfam, que impulsaron un proxecto de autoformación que consistiu na lectura e posta en común da bibliografía de Paulo Freire, a fin de levar á nosa práctica educativa o pensamento e a idea do autor de que “outra escola é posíbel”. Esta actividade encádrase dentro da formación do profesorado en Andalucía, en concreto dentro do Centro de Formación do Profesorado José Rodríguez Galán de Antequera.

Despois de ter distribuído os diferentes libros, foron sendo presentados en sesións mensuais, con criterio cronolóxico. A ficha de lectura recolle, ademais das ideas principais e secundarias, a ligazón co planeamento de Educación para unha cidadanía global.