Como se articula unha acción de incidencia política desde a aula?

A partir do traballo realizado de forma telemática durante a edición 2011-12 do Conectando mundos (CM), e a partir das conclusións elaboradas conxuntamente no encontro territorial, preparamos na aula o acto de incidencia cunha deputada do Parlamento catalán, acción coa que concluíu en Cataluña a edición 11-12 do CM. O acto consistía nun diálogo aberto a partir das conclusións conxuntas alcanzadas, da lectura do manifesto final e das preguntas que formulase o alumnado.

Participamos os dous grupos de 2.º da ESO da escola, nas horas de titoría, e aínda que na preparación e deseño do diálogo participamos toda a aula (29 alumnos e alumnas por grupo), o diálogo coa deputada foi mantido por 8 mozos e mozas (4 por grupo-aula) que representaron ao resto, xunto con representantes doutros tres centros de Cataluña.