Pensando e actuando en verde

O grupo de traballo de Educación de Oxfam-Intermón en Granada realizou distintas experiencias, adaptadas ás diferentes idades e etapas educativas, para así facilitar a posta en práctica dun labor e dunha responsabilidade que, como educadores, educadoras, cidadáns e cidadás, non podemos nin debemos eludir.

As actividades de educación medioambiental que, de Infantil a Bacharelato, foron levadas a cabo en diferentes centros son:

• Infantil: un traballo globalizado sobre educación medioambiental.
• Primaria: dinámicas titoriais e realización de obradoiros reutilizando materiais.
• Secundaria e Bacharelato: a Xornada de actividades medioambientais con plantación, obradoiros, xogos e obradoiro de poesía verde, entre outros.

Non sería posíbel pensar no futuro do Planeta Terra e na súa sustentabilidade sen as posibilidades de análise crítica e propostas de actuación responsábel que a Educación medioambiental nos ofrece.