A COVID-19 colocou en evidencia as trabas e os obstáculos estruturais das políticas migratorias e do sistema de asilo que afectan directamente a vida das persoas migrantes. Este Global express propón coñecer, comprender, reflexionar, empatizar e comprometerse coas persoas migrantes e as situacións de vulnerabilidade que viven. Este material céntrase especialmente naquelas persoas que se dedican aos empregos esenciais e que son dinamizadoras da economía e fonte de innovación e de riqueza para as súas comunidades de orixe, tránsito e destino, un feito que foi especialmente palpábel durante a pandemia da COVID-19, en que as persoas migrantes foron fundamentais para o mantemento da vida.  A partir dunha abordaxe de dereitos, a migración internacional é un feito atemporal e multidireccional, inherente á natureza humana, que pode ser gobernada adecuadamente con plena garantía dos dereitos humanos fundamentais e como oportunidade para atinxir un desenvolvemento humano e sustentábel. Esta proposta propón analizar as políticas, as prácticas e a cultura racista, tornando visíbel o racismo institucional e social, e promovendo compromisos persoais e colectivos para as persoas migrantes teren os mesmos dereitos e oportunidades que o resto.