Aula hospitalaria e atención educativa domiciliaria

Os Programas de Aulas Hospitalarias e Atención Educativa en Domicilio son medidas de compensación educativa para dar respostas ás necesidades específicas do alumnado que, por motivo de doenza, debe permanecer hospitalizado ou convalecente no seu domicilio.

O obxectivo fundamental destes programas é promover o desenvolvemento integral do alumnado e facilitar a súa reincorporación á escola unha vez recibida a alta médica, así como evitar que o proceso escolar se interrompa por causa da referida doenza.

Esta práctica é innovadora porque se desenvolve fóra do ámbito escolar, sendo levada a cabo tanto no hospital como nos domicilios dos/as alumnos/as.