Colaborando co horto comunitario do barrio

Proxecto de aprendizaxe-servizo no horto comunitario do barrio. Do 24 de xaneiro até o 28 de marzo de 2017, os alumnos aprenderon nocións de sementeira, preparación de sementeiros, tipos de hortalizas, asociación de cultivos, calendario do horto, compostaxe, etc., grazas a algúns veciños usuarios, que se organizaron para atender os alumnos. Pola súa vez, os mozos axudáronos nos labores habituais do horto. Os 18 alumnos participantes no proxecto traballaron xuntos, en grupos de catro, cada grupo a cargo dun veciño. En cada sesión, un alumno encargouse de redactar a crónica do día e tirar fotografías para o blog. O proxecto vinculou contidos ambientais (importancia da agricultura urbana, a diversidade de cultivos, o desperdicio alimentario) coa xustiza alimentaria global. Pola súa vez, favoreceu o coñecemento de movementos veciñais a favor do

medio ambiente, organizados espontaneamente, dinamizadores do tecido social do barrio e sen fins lucrativos.