Conectando mundos

Esta experiencia, realizada nunha escola de Portugal, baseouse na utilización dunha metodoloxía participativa, xa que a súa formulación inicial partiu da preocupación de que todo o alumnado implicado no proxecto participase de forma activa, dando en todo o momento a súa opinión. Para chegar a consensos, foron traballados valores como o respecto, a tolerancia e a distribución das tarefas entre todos e todas.

Os alumnos e alumnas produciron textos que foron o resultado do traballo realizado en pequenos grupos; os textos finais foron sempre resultado do consenso entre todo o grupo. Finalmente, contribuíron para o blog cun documento crítico sobre o tema das migracións, que recollía todo o traballo elaborado.