Convivimos na diversidade

Descrición:
Esta experiencia comeza a súa andadura no noso centro, como Proxecto de Interculturalidade, no curso 2009-2010. Xurdiu como resposta a unha necesidade: a incorporación de alumnado procedente doutros países nun importante número, particularmente da América Latina, co que o facían co curso comezado. É certo que a crise económica devolveu bastantes destas familias aos seus lugares de orixe, mais o selo de diversidade que impregna hoxe o noso barrio é moi visíbel no centro. En este curso, volvemos experimentar esta chegada por sorpresa de alumnos –“incorporación serodia”, chámaa a Administración–, e isto fixo que dirixísemos a ollada para o Proxecto de Interculturalidade, moito máis rico que o simple e administrativo Protocolo de acollida. E, revisando a nosa proposta, vemos que a reflexión inicial que nos fixemos continúa a ser hoxe moi válida, mais tamén que o noso ollar para coa diversidade mudou aínda que só decorrese un curto espazo de tempo.