Convivindo en igualdade

Descrición:
Esta proposta ten como obxectivo traballar en torno da equidade de xéneros a través da construción da propia identidade de forma saudábel, quebrando estereotipos e aceptando a diversidade. A través de distintas actividades e metodoloxías, preténdese identificar e recoñecer as desigualdades que, por causas de xénero, ocorren no ambiente próximo, así como noutros contextos máis globais, e promover actitudes e accións que poñan en valor a diferenza e a riqueza de compartir e construír unha vida desde a igualdade. Para esta etapa, a proposta céntrase no traballo de análise e recoñecemento das desigualdades de xénero ao nivel persoal e social. A través do debate a partir de vídeos, dinámicas de posicionamento, xogos de rol, etc., trabállanse varios temas como as relacións de parella ou os estereotipos de xénero. Ponse tamén especial énfase na lectura crítica de imaxes e mensaxes da publicidade, a través da cal se desenmascaran os discursos estereotipados que ocorren na sociedade. Por último, trabállase a orientación ao compromiso persoal e á acción que contribúa para acabar coas desigualdades que ocorren por cuestión de xénero.