Copenhaguen: últim avís

Descrición:
Esta edición de Global Express reflexiona sobre a transcendencia do Cumio de Copenhague e a nosa responsabilidade a ese respecto. A partir da análise dunha imaxe e duns textos, o material comeza dando unha visión global do que é un cumio internacional, centrándose na realidade concreta do de Copenhague. Despois, reflexiona, a partir da análise de datos estatísticos, acerca dos compromisos adquiridos en Kioto e o grao de incumprimento de cada un dos países na actualidade, e pasa a analizar as consecuencias da mudanza climática para por en evidencia qué son os que máis as padecen. Este traballo é realizado a partir da análise de noticias de prensa. O material coloca tamén sobre a mesa a vulnerabilidade do noso modelo económico, dependente dun único recurso como o petróleo e dá a coñecer as iniciativas dos países do Sur para loitar contra a mudanza climática, destacando a responsabilidade e o compromiso dunha sociedade civil que, lonxe dos estereotipos, afronta e denuncia o problema. Finalmente, é proposto un xogo de rol que recree os diferentes actores e intereses que interveñen nun Cumio como Copenhague e anímase a traballar en grupos para reflexionar acerca das responsabilidades que nos competen como cidadáns e cidadás globais, para terminar acordando compromisos concretos.