Dos criterios de calidade ao currículo de aula

A práctica consiste en xerar espazos e motivacións para que o profesorado que quere traballar na súa aula contidos de Educación para unha Cidadanía Global poidan levalo a cabo desde o seu ser e facer cotián da súa práctica docente.

Con este proxecto tornouse posíbel que os "Criterios de calidade" chegasen á aula a través do currículo ordinario das distintas etapas e niveis educativos e así poder facer visíbel que, partindo dos mesmos contidos curriculares, poden ser xeradas distintas situacións e temáticas cara ao alumnado

Os obxectivos principais deste proxecto pasan por animar, motivar e axudar o profesorado para que asuma o novo desafío de traballar como equipo facendo presente os valores de ECG nas prácticas e propostas educativas de aula e introducindo no currículo de aula os atributos cognitivos, de habilidades e actitudes, escollido polo grupo de traballo.