Memoria do VII Seminario “Educar para unha cidadanía global”

O VII Seminario “Educar para unha cidadanía global” non foi máis un: a Rede de educadores e educadoras para unha cidadanía global (Rede EyECG) alcanza o seu décimo aniversario, e os aniversarios son as mellores festas porque celebran a vida. Con este ánimo, reuníronse unhas 80 persoas do 7 ao 9 de xullo de 2017 en Los Negrales (Madrid). A efeméride impregnou todo o Seminario, xa que o que a Rede é hoxe nace do camiño percorrido e, moi especialmente, das persoas que o foron transitando. Todas deixaron a súa marca e todas estiveran moi presentes na celebración.

Ademais da celebración, as metodoloxías para a construción dunha cidadanía global foron o fío condutor de tres días de intenso traballo. A través de conversas, mesas redondas e, sobre todo, obradoiros e actividades participativas, os e as participantes debateron como construír un mundo máis xusto e máis solidario desde a práctica educativa, compartiron aprendizaxes e analizaron experiencias comprometidas coa mudanza e coa xustiza social no ámbito da aula, centro e contorno, e identificaron novas oportunidades para a acción, do local ao global.