Political Parties in 4th ESO

Este proxecto foi realizado nun grupo de 4.º da ESO na materia de inglés, coincidindo coa campaña electoral previa ás eleccións municipais de maio de 2015. Despois de ter traballado a proposta de Conectando mundos, espértase no alumnado a conciencia crítica sobre a situación social, económica e política actual, e a necesidade de transformala. Por iso, propónselle unha iniciativa para forneceren solucións concretas mediante o deseño dun partido político e a elaboración dun programa electoral con propostas sobre temas específicos.

Para poder alcanzar eses obxectivos, é adoptada unha metodoloxía de aprendizaxe significativa, partindo da súa realidade máis concreta, “o centro educativo ideal”, para despois chegar a deseñar unha proposta política máis ampla para atinxir o seu “país ideal”. Con esta proposta, trabállase a abordaxe crítica desde a análise sistemática da realidade, e refórzanse competencias dialóxicas do alumnado, con múltiplas actividades guiadas de minidiálogos sobre temas moi próximos, que foron sendo ampliados en tempo e profundidade ao longo de varias semanas.