Salvaranos Kyoto?

Este Global Express ofrece elementos para reflexionar sobre a entrada en vigor do Protocolo de Kyoto e a súa influencia sobre as poboacións máis vulnerábeis do planeta. A través de cinco actividades, o material cuestiona se a entrada en vigor do Protocolo é suficiente para paliar os efectos da mudanza climática e frear a chamada pegada ecolóxica. Este Global denuncia ademais cómo as poboacións máis afectadas son as menos responsábeis polo quecemento global e fai unha chamada á responsabilidade individual e colectiva para facer fronte á mudanza climática e atinxir un equilibrio ambiental. O material pretende ademais espertar no alumnado unha actitude autocrítica que permita tomar conciencia do impacto das nosas accións cotiás na vida de millóns de persoas.